Узвияти Эрон ба унвони нозири Иттиҳодияи Иқтисодии Авруосиё, афзоиши 34 дарсадии воридоти Покистон аз Эрон, таъкиди Эрону Тоҷикистон бар иҷроӣ шудани тафоҳумномаҳои гумрукӣ, рушди 12.8 дарсадии мубодилоти тиҷории Эрон ва кишварҳои узви Авруосиё ва афзоиши тавлиди фӯлоди хоми Эрон ба 28 миллион тонн, гузидае аз охирин ахбори иқтисодии Эрон аст, ки дар ин бастаи хабарӣ аз шабакаи Саҳоб мехонед:
Узвияти Эрон ба унвони нозири Иттиҳодияи иқтисодии Авруосиё
Санади марбӯт ба узвияти нозири Ҷумҳурии Исломии Эрон дар Иттиҳодияи Иқтисодии Авруосиё рӯзи панҷшанбе дар поёни нишасти Шӯрои олии ин иттиҳодия, ки бо ҳузури Саидмуҳаммади Атобак, вазири саноат, маъдану тиҷорати Эрон дар Санкт Петербург баргузор шуд, тавассути сарони кишварҳои узв имзо шуд.
Афзоиши 34 дарсадии воридоти Покистон аз Эрон
Воридоти Покистон аз Эрон тайи давраи панҷ моҳаи июл то ноябри 2024 ба 533 миллиондоллар расидааст, ки ин омор дар муқоиса бо муддати мушобеҳи соли қабл 34 дарсад афзоиш доштааст.
Таъкиди Эрону Тоҷикистон бар иҷроӣ шудани тафоҳумномаҳои гумрукӣ
Дар дидори Алиризо Ҳақиқиён, сафири Эрон дар Тоҷикистон бо генерал Хуршед Каримзода, раиси Хадамоти гумруки ин кишвар бар иҷроӣ шудани мафоди тафоҳумномаҳои имзо шуда ва низ таҳия ва имзои дастӯруламалҳои лозим барои тасҳили умӯри гумрукӣ таъкид шуд. Дар ин дидор роҳкорҳои тавсеаи ҳамкориҳо ва тасҳили умӯри идории гумрукӣ мавриди баррасӣ ва табодули назар қарор гирифт.
Рушди 12.8 дарсадии мубодилоти тиҷории Эрон ва кишварҳои узви Авруосиё
Багитжан Сагинтаев, раиси ҳайати иҷроии Камиссиони иқтисодии Авруосиё аз рушди 12.8 дарсадии мубодилоти тиҷории панҷ кишвари узви ин паймон бо Эрон дар 10 моҳи нахусти соли ҷорӣ ( 2024) хабар дод.
Худкафоии 70 дарсадии Эрон дар саноати маводи шимиёӣ
Беҳзоди Мулкӣ, раиси Иттиҳодияи маводи шимиёии Теҳрон гуфт, тавонмандии воҳидҳои тавлидӣ ва синфии Эрон сабаби худкафоии 70 дарсадии саноати маводи шимиёӣ ва қобилияти рақобати он дар бозорҳои ҷаҳонӣ шудааст.
Афзоиши 60 дарсадии арзиши колоҳои содиротӣ аз устони Симнони Эрон
Муртазо Ҳоҷиённажод, мудири кулли гумруки устони Симнони Эрон гуфт, арзиши долларии колоҳои содиротии ин устон аз фарвардин то поёни озари 1403 афзоиши 60 дарсадӣ доштааст. Бар асоси эъломи Ҳоҷиённажод, 40 кишвари ҷаҳон, аз ҷумла Ироқ, Афғонистон, Туркия, Русия, Покистон, Тоҷикистон, Туркманистон, Иморот, Ҷумҳурии Озарбойҷон, Кувайт, Ҳинд, Узбекистон, Арманистон, Гурҷистон, Фаронса, Олмон ва Булғористон, мақсади колоҳои содиротии устони Симнон ҳастанд.
Содироти 40 тон грейпфрут аз ҷаҳрум ба Русия
Ҳасани Замонӣ, мудири ҷиҳоди кишоварзии шаҳристони Ҷаҳруми устони Форс (ҷануби Эрон) гуфт, 40 тон маҳсӯли грейпфрути тавлид шуда дар боғҳои Ҷаҳрум ба кишвари Русия содир шудааст. Замонӣ афзуд, Иттиҳодияи Аврупо, Иттиҳодияи Авруосиё, кишварҳои ҳавзаи Халиҷи Форсу Канада, аз ҷумлаи кишварҳои масрафкунандаи маҳсӯли мураккаботи тавлид шуда дар боғҳои Ҷаҳрум ҳастанд, ки солона 2 то 5 ҳазор тон маҳсӯл ба ин кишварҳо содир мешавад.
Афзоиши 49 дарсадии арзиши содироти гумруки Ҷулфо
Алии Бислам, мудири кулли гумруки Ҷулфо, устони Озарбойҷони ғарбӣ (шимоли ғарби Эрон), аз афзоиши 49 дарсадии арзиши содироти коло аз ин гумрук дар 9 моҳаи имсол (1403 шамсӣ) нисбат ба муддати мушобеҳи соли гузашта хабар дод.
